Вработен на охридските градски гробишта измамил двајца жители на градот, откако им продал две гробни места, продажбата не ја евидентирал, а парите си ги ставил во џеб, соопшти полицијата.
„СВР Охрид поднесе кривична пријава против Н.С.(52) од Охрид поради постоење основи на сомнение за сторено кривично дело „несовесно работење“. Пријавениот во својство на службено лице вработено во ЈП„Градски гробишта“-Охрид, по склучување на два договори за купување на гробни места издал службена каса-прими документ и фискални сметки, а потоа свесно не го завел лицето како сопственик на гробните места во службените евиденции.
Фискалните сметки ги сторнирал, каса-прими документот го прикрил, а парите не ги предал во службената благајна и противправно ги присвоил за себе, со што нанел штета на Јавното претпријатеие во износ од 92.000 денари, се вели во полициското соопштение.