Нашите забелешки не беа разгледани во партијата и затоа се обраќаме директно на членството преку медиумите, истакна Изет Меџити, предводник на огнената група во ДУИ која го изрази незадоволството од работењето на своите министри во Владата.
– Од владата бараме одговорност за неефикасното работење. Артан Груби и Бујар Османи ги имаат најслабите резултати во Владата и првпат рејтингот на албанската позиција го надмина рејтингот на ДУИ – рече Меџити.
Во огнената група во Демократската унија за интеграција (ДУИ) се пратеникот Изет Меџити, градоначалниците на општина Сарај и на Чаир, Блерим Беџети и Висар Ганиу, како и Муса Џафери.
Во новото претседателство што го предложи Ахмети, беа избрани и членовите на ова група кои неодамна изразија незадоволство од работата на владата, особено од вицепремиерот Артан Груби.
Од оваа група за потпретседател на ДУИ беше избран Изет Меџити, а Блерим Беџети беше избран за организациски секретар.