Одземена дозволата за работа на А2 Телевизија

Од:

Одземена дозволата за работа на А2 Телевизија. Ова го одлучи мнозинството во Советот за радиодифузија.

По жестока расправија, со 11 гласа „за“ и 4 „против“, беше донесена одлуката.

Како еден од главните аргументи на дел од членовите на Советот е неисполнување на програмскиот формат со кој и била дадена дозволата за радиодифузна дејност на А2 Телевизија.

Според дел од членовите, исто така било спорно известувањето кое до нив го испратил стечајниот управник на А2 Телевизија, Ацо Петров, во кое тој тврди, дека од него како привремен стечаен управител, не е побарана дозвола за проектите кои се емитуваат во моментов.

Залудни беа напорите на членовите кои гласаа „против“ да ги убедат своите колеги од Советот, дека не треба да се одземе дозволата.

Според Стојан Наумов, член на Советот, ова тело од своето постоење па се досега нема одземено дозвола, поради неисполнување на програмскиот формат. Тој ги праша колегите, дали историјата треба да почне да се пишува со овој состав на Советот и за прв пат да се одземе дозволата поради вакво прекршување.

Работата на Советот не е по секоја цена да затвори медиуми, рече тој.

Дел од членовите посочија дека постојат други национални телевизии кои не го почитуваат програмскиот формат, посочувајќи дека една од нив, во текот на минатата недела емитувала девет часа, странска програма. Прашаа дали и овие медиуми ќе бидат затворени поради тоа?

Телевизијата А2 има право на жалба, пред Управен суд, но правото на жалба не го одложува извршувањето. Што значи дека денеска ќе биде испратено известување до сите кабелски оператори да го прекинат сигналот на Телевизијата.

Би можело да ве интересира

Собранието го донесе Законот за медиуми и други закони

Горан Наумовски

Главна цел на измените на Законот за медиуми треба да биде законската регулација на интернет порталите

Ковачевски: Им се извинувам на медиумите, не сакам да се им се случи она што се случуваше до 2016

Орце Костов

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

ВМРО ДПМНЕ ќе предложи амандман за ослободување од социјално и здравствено осигурување на медиумските работници

Катерина Ѓуровски

Промовиран Водич за интегритет на медиумите: Испреплетеноста на медиумската сопственост со уредништвото предизвикува сериозна загриженост околу новинарската независност