Советот за оценка на обвинителни акти при Основниот суд Скопје 1 го одобри обвинетелниот акт на СЈО за предметот „Титаник“.
По одобрениот обвинителен акт формиран е кривичен предмет со КОК бр. 7/18 кој согласно АКМИС – електронскиот систем е распределен на понатамошно постапување, а откако ќе биде насрочена главната расправа, странките и јавноста ќе бидат дополнително известени.
„Титаник“ е прв случај обелоденет од СЈО, а се однесува на дела поврзани со избрни нерегуларности. Во овој случај обвинети се вкупно 20 лица, меѓу кои и Никола Груевски, Мартин Протуѓер, Кирил Божиновски, Миле Јанакиевски и Гордана Јанкуловска.
Тие се теретат за злосторничко здружување, повреда на избирачко право, повреда на слобода на определување на избирачите, поткуп при гласање, уништување изборен материјал и злоупотреба на средба за финансирање на изборна кампања.