Грција ја чека уште една многу тешка година во однос на економската, политичката и социјалната стабилност на земјата, а од друга страна и надворешната политика се соочува го крупни предизвици.
Ова го пишува директорот на грчката фондација за европска и надворешна политика „Елиамеп“ Танос Докос во текст за „Катимерини“.
Како еден од приоритетите на грчката надворешна политика Докос наведува дека Атина ќе треба да се справи и со притисоците од страна на некои европски земји во врска со односите меѓу Македонија и Европската унија.
На Балканот, Грција ќе треба да се позанимава и со националистичкиот бран во Албанија, но и да почне да враќа дел од претходната улога што ја имаше во регионот.
Во врска со грчко-турските односи, според Докос, ниту во Атина ниту во Анкара (секој од свои причини) не се подготвени за значајни дискусии за билатералните прашања и затоа акцентот ќе биде ставен на развојот на економските односи.