Празникот на албанското национално знаме – 28 Ноември денеска во неколку градови во државата се одбележува со бројни културни и политички активности.
На плоштадот „Скендербег“ во Скопје ќе се одржи концерт на основните и средните училишта од општина Чаир, а манифестацијата ќе продолжи со ансамблот „Емин Дураку“ и пејачите Бeни Ајрулаху, Ирена Точи, ДЈ Леерик и Илир Шаќири.
Во Тетово по повод празникот 28 Ноември ќе се одржи свечена академија, а во Гостивар, Центарот за култура во соработка со општината организира празнични манифестации.
Во Скопје, исто така во рамки на манифестацијата, беа промовирани книгите „Албанските преродбеници“ од проф. Гордана Синадиновска и „Православните Албанци во РМ“ од проф. д-р. Бранислав Синадиновски.
