Одбележување на 2 Август, Илинден – Денот на Републиката

Од:

Претседателката Гордана Сиљановска-Давкова, денеска, по повод 2 Август, Илинден – Денот на Републиката, положи свежо цвеќе на гробот на претседателот на Крушевската Република, Никола Карев и на споменикот на хероите на месноста „Слива“ и присуствуваше на панихидата во храмот „Св. Никола“.

Делегации од Кабинетот на претседателката денеска положија свежо цвеќе пред Меморијалниот центар на АСНОМ во Пелинце, пред споменикот на Никола Карев во Скопје, како и пред спомениците на АСНОМ и на првиот претседател на Президиумот, Методија Андонов – Ченто.

Делегација од Кабинетот присуствуваше и на одбележувањето на Илинден во Смилево.

Вчеравечер, претседателката Гордана Сиљановска-Давкова присуствуваше на церемонијата на отворање на манифестацијата „Десет дена Крушевска Република“, којашто се одржа на месноста Гумење. На настанот беше прочитан Крушевскиот манифест и беа импровизирани традиционалниот напад на градот и пукањето од црешовото топче.

Би можело да ве интересира

Мицкоски од Валандово: Резултатот од црната кампања на СДСМ се покажа на 19 октомври со нивните три општини

Независниот кандидат за градоначалник на Могила, Пивкоски се повлече од вториот круг на локалните избори

Богдановиќ удри по Герасимовски: Ги пушти низ вода сите што гласаа за него во првиот круг

ВЛЕН: На Али Ахмети му беа потребни пет дена за да го разбере одговорот на “референдумот”

Лабудовиќ: Време е на 2 ноември да ја направиме промената во Центар

Предраг Петровиќ

Ахмети: Не изгубив на избори за да се повлечам, НАИ освои 159 советници, а Вреди 122