Обвинителството ќе го истражува случајот со лекарката од Србија без лиценца која оперирала во битолската болница

Од:

Основното јавно обвинителство Битола оформи предмет по добиена анонимна пријава на 12 јануари 2021 година, а во врска со постапување на лекари специјалисти – гинеколози од Клиничка болница Битола и едно лице странски државјанин за кое постојат основи на сомневање дека без лиценца за работа преземало медицинска интервенција.

Кон предметот е припоена и кривична пријава поднесена од СВР Битола на 8.2.2021 против три лица заради преземени дејствија со кои ги пречекориле своите посебни овластувања во вршење на должноста и овозможиле лице без соодветна лиценца за работа издадена од Лекарска комора на РСМ, да даде медицинска помош- изврши оперативна интервенција врз родилка, породување со царски рез во ЈЗУ Клиничка болница Битола – операциона сала на Одделение за гинекологија и акушерство. По завршувањето на интервенцијата,едно од лицата во оперативниот дневник внело невистинит податок, односно во графата податоци за оператор, ги внело своите податоци и податоците на колегата, а од стариот оперативен дневник отстранило страници на кои третото лице ги запишало извршените оперативни интервенции на 1.1.2021 година.

Обвинителството издаде Наредба за собирање потребни известувања до СВР Битола. Испитани се две лица кои дадоа свои сознанија за настанот и поднесено е барање до Лекарската комора на РСМ.

На 3.2.2021 година јавниот обвинител издаде Наредба за вештачење на Оперативни дневници на Одделот за Гинекологија и акушерство при Клиничка болница Битола, за кои постои сомнение дека содржат невистинити податоци, односно се отстранувани страници.

Би можело да ве интересира

Со боксови, клоци и шлаканци ги спречувле да снимаат, обвинение за брачниот пар од Вигзбегово

11-годишно дете во критична состојба по страотна сообраќајка на патот Прилеп-Градско

Катерина Ѓуровски

Ги убил внукот и неговиот син поради кавга за имот, детали за случајот во Прилеп

Катерина Ѓуровски

Обвинителство отвори постапка против двајца осомничени за насилство врз Данела Арсовска

А1он

Обид за убиство на „Новиот пазар“ во Битола: Со нож е ранет маж во грбот и слабината

Се истражува нападот во Визбегово, ОЈО бара притвор за маж и жена кои нападнаа новинарска екипа

Горан Наумовски