Обвинителот кој се спогоди со Кичеец нема да биде избран кај Русковска, Трајчева останува во тимот

Од:

Извесно е дека гостиварскиот обвинител Арсим Адеми ќе извиси на утрешниот избор за обвинители кои ќе гонат организиран криминал и корупција, дознава „А1он“. Спогодбата со Зоран Милески-Кичеец за да добие шест месечна казна затвор поради сообраќајката со еден загинат, предметот во Антикорупциската комисија, но и неговата стручност – се дел од причините кои ги поматија сметките да биде дел од тимот на Вилма Русковска. Истовремено, обвинителката која доби најдобра оценка од шефицата, Ивана Трајчева, се поизвесно е дека ќе остане дел од нејзиниот тим, иако постоеше голема можност да отпадне нејзиниот избор и да се врати во скопското обвинителство.

dobivaj vesti na viber

Советот на јавни обвинители утре ќе пресече кој ќе гони организиран криминал и корупција. Се шпекулираше дека скопското крило на ДУИ бара да биде избран Адеми, за да има и гласање по Бадентер во судницата, неопходно за избор на новите обвинители. Но откако Антикорупциската комисија и јавно обзнани дека има три постапки против овој обвинител – извесно е дека тој ќе остане во гостиварското обвинителство. Адеми има и казна, глоба од двесте евра бидејќи не соработувал со антикорупционерите кога тие гонеле стечаен управник против кого имало кривична пријава. Истовремено, значајна улога во одлуката кај мнозинството во Советот има и спогодбата на Адеми со Милевски-Кичеец за казната од шест месечен затвор која јавноста ја оцени како ниска.

На почетокот од месецов, „А1он“ ја праша Вилма Русковска, дали ваков обвинител може да гони организиран криминал, а таа рече: „Според законот, Советот е тој што одлучува кој ќе биде избран, а кој не. Јас немам надлежност. Сега туѓи одлуки не можам да коментирам. Човекот не го познавам, не можам да кажам ниту кои биле причините за тоа“.

Обвинителка за гонење на организиран криминал ќе остане Ивана Трајчева. За неа постоеа шпекулации дека ќе се врати во скопското обвинителство, бидејќи Советот на јавни обвинители нема да ја избере. За причина, неофицијално се наведуваше подигнувањето на обвинение против ексгенералниот секретар Драги Рашковски. Русковска, за ова рече: „Се надевам нема да трпи последици“. Трајчева водеше повеќе случаи кои предизвикаа јавен интерес како набавката на софтверот во ДИК, „Шпански скали“, „Меѓународен сојуз“.

Изборот на обвинители за во обвинителството со кое раководи Русковска, треба да се одржи утре. Претходната седница беше одложена бидејќи немаше кворум за работа.

Би можело да ве интересира

(ВИДЕО) Тупанчески за „војната“ Русковска-Муареми: Таму се случува нешто што не треба

Кристијан Ландов

Муареми ќе го гони обвинителката која се спогоди за „Империја“, а Спасовски е во рацете на обвинителката која го гони Зеќири

Кристијан Ландов

Пеливанов на местото на Русковска, додека таа е суспендирана

Кристијан Ландов

Русковска останува супспендирана, не убеди ниту еден член на Советот на јавни обвинители дека е во право

Кристијан Ландов

За да го зачуваат интегритетот на Русковска, жалбата за супспензијата се дебатира зад затворени врати

Кристијан Ландов

Русковска: Шпекулација е дека се подготвувало апсење на министер, требаше да се сослушуваат сведоци за случајот

Кристијан Ландов