Обвинетата во предметот на СЈО „Титаник“ Билјана Бришкоска Бошкоски стана адвокатка. Таа е една од 45 адвокати кои вчера се здобија со лиценца во септемвриската сесија за 2018 година. Адвокатите на свеченост дадоа свечена заклетва дека должноста ќе ја вршат совесно и дека ќе се придржуваат на Уставот, законодавството, меѓународните договори и актите на Адвокатската комора.
Вчера претседателот на Адвокатската комора Љубомир Михајловски, на новите адвокати им посака успех на сите адвокати во Македонија. Според обвинението на СЈО, обвинетата Бришкоска Бошковски од позиција заменик министер во Владатаи претседател на правната комисија на ВМРО-ДПМНЕ, прифатила да превзема дејствија со кои незаконски ќе бидат запишани лица со избирачко право од една во друга изборна единица во која според проценките на создателите на групата има потреба од поголем број на сигурни гласачи.
СЈО тврди дека таа организирала да се направат лажни јавни исправи без знаење на лицата по потекло од општина Пустец. Обвинета е за 2 кривични дела: злосторничко здружување и фалсификување исправа.
Васко Маглешов
Фото: Академик