Основното јавно обвинителство Скопје поднесе обвинение против 51-годишна жена за кривичното дело „неовластено изработување, држење, посредување и тргување со оружје или распрскувачки материи“.
– Обвинетата на 9 декември, на булеварот „Александар Македонски“, неовластено држела пиштол марка „застава“ со калибар 9мм PARA M88, една рамка со пет куршуми за тој пиштол, и една празна рамка. Со оружјето била затекната од полициски службеници на бензинска пумпа, соопшти државното Јавно обвинителство.
Јавниот обвинител достави и предлог за продолжување на претходно определената мерка притвор за обвинетата за која, како што наведува ЈОРСМ, постојат околности кои укажуваат на опасност да избега или да го повтори делото.