Во Велес денеска ќе биде отворен ресурсен центар за подобрување на образовните можности на деца со оштетен вид.
Активностите се во организација на Проект на УСАИД и Лајонс Клуб Меѓународната фондација за деца со пречки во видот.
Проектот за деца со пречки во видот, реализиран од страна на Универзитетот на Југоисточна Европа, работи на зголемување на квалитетот и пристапноста на услугите за образование за деца со пречки во видот, со посебен фокус на писменост, со печатење учебници на Брајово писмо на локалните јазици и кампањи за бесплатни очни прегледи кај деца од предучилишна возраст.