Времето утре во Македонија ќе биде облачно со врнежи од снег проследени со засилен северен ветер.
Утринската температура ќе се движи од минус еден до три, а дневната од минус еден до четири.
Во Скопје претпладне со врнежи од снег и засилен северозападен ветер. Попладне врнежите ќе престанат и облачноста ќе се намалува. Утринската температура ќе се спушти до минус еден, а дневната ќе се искачи на еден степен.
Утре во попладневните часови врнежите од снег насекаде ќе престанат, а во северните делови ќе има и извесно намалување на облачноста.
Во недела ќе има преодно стабилизирање со сончево време преку денот, но и натаму со ниски утрински температури.
Од понеделник следува период на променливо облачно и потопло време со повремени врнежи од дожд.