НСДП бара опозицијата да предложи друг министер за внатрешни работи во техничката влада

Од:

Пратениците на НСДП нема да гласаат за предлогот на ВМРО-ДПМНЕ, армиски полковник да биде министер за внатрешни работи во техничката влада, доколку тој предлог дојде пред Собранието, соопшти пратеничката на оваа партија Соња Мираковска.

Таа побара од лидерот на опозициската ВМРО-ДПМНЕ да номинира ново решение.

Мираковска изјави дека прво не постои ниту едно правно толкување, според кое, уставната одредба дефинирана во членот 97 може да се измени.

– Дискусијата за наводни преседани е неодржлива, несериозна и го доведува во прашање уставниот поредок на Република Северна Македонија. Инсистирањето воено лице да раководи со МВР ќе ја засили перцепцијата на јавноста дека Христијан Мицкоски е уплашен од изборните резултати и не сака соочување со гласачите на 12 април, рече Мираковска.

Не навлегувајќи во биографијата на Драган Ковачки, додаде таа, сметаме дека е недозволиво оној што ќе има обврска да го штити Уставот, законите и безбедноста во наредните сто дена до изборите да биде избран со кршење на Уставот.

– Апелираме до опозицијата да не се обидува да ја држи земјата во заложништво. Знаеме дека вистинската кадровска политика се води во Будимпешта, но се надеваме дека ВМРО-ДПМНЕ се уште има сила и разум да го разубеди Мицкоски во неговите намери да ги опструира изборите, рече Мираковска.

Сепак, таа верува дека ВМРО-ДПМНЕ ќе предложи нов кандидат.

Во однос на законот за ратификација за НАТО, Мираковска вели дека тоа не треба да се случи предвреме и дека треба да има некој ред и да пристигнат сите ратификувани договори, па потоа ние да го сториме тоа.

Би можело да ве интересира

НСДП: Не успеа обидот на ВМРО-ДПМНЕ за манипулација со граѓаните со иницијативата за референдум

НСДП го прифати францускиот предлог

НСДП од политичките партии бара државнички однос при разгледување на францускиот предлог

Ана Ололовска

Мисовски избран за претседател на НСДП

Ана Ололовска

Трајковски: Одлуката на ЦО на НСДП за еден кандидат за претседател е недемократскa

Катерина Павлова-Николовска

НСДП: Централниот одбор го утврди Горан Мисовски за единствен кандидат за претседател на партијата

Катерина Павлова-Николовска