Адвокатката на обвинетата Катерина Веловска, во воведниот говор за предметот „Титаник”, се повика на исказите кои во СЈО ги дале поранешните новинари во ТВ А1, Сашка Цветковска и Наташа Стојановска кои ја објавија сторијата за донаторите на ВМРО-ДПМНЕ.
Во нивната сторија тие објавија за финансирањето на кампањата на ВМРО-ДПМНЕ објавена на телевизијата А1.
Според адвокатката, на нивниот исказ судот не смее да ја темели пресудата, бидејќи сториле прекршок и лажно се претставиле како лица од Центарот за комуникации на ВМРО-ДПМНЕ кога телефонски ги контактирале лицата.
Таа наведе дека новинарите со лажното претставување го прекршиле Законот за јавниот ред и мир за што е предвидена казна од 600 до 800 евра.
Таа побара нивното сведочење поради овие причини судот да не го земе предвид. Рече и дека за нејзината клиентка настапила и релативна и апсолутна застареност на кривичното гонење.
Судењето за „Титаник“ продолжува со воведни говори на останатите адвокати, кои се повикуваат на помилувањето на претседателот на државата Ѓорѓе Иванов.
Васко Маглешов