Нов скок на бројот на новозаразени во Дебар, по неколкудневното затишје

Од:

Повторно повисока бројка на новозаразени лица со коронавирусот се регистрирани во Дебар, по неколку дена во кои немаше новозаразени или само по еден или два случаи.

Во последното деноноќие Ковид-19 е дијагностициран кај осум лица или вкупно 38 случаи во овој месец. Ист број на новозаболени беа регистрирани и на 8 август, додека најмногу новозаболени, 10, имаше на 1 август. Тоа значи дека овој месец во просек дневно се регистрирани по околу 1,6 новозаразен.

-Причина за тоа се масовните собирања и непочитувањата на препораките за заштита од опасниот вирус, како во угостителски објекти, на плажите на Дебарско Езеро,така и во домашни услови, каде има групирање заради разни поводи. Апелираме да се избегнуваат собирања и строго да се почитуваат препораките за одржување физичка дистанца, носење заштитна маска и одржување на хигиената, апелираат од општинскиот оперативен штаб.

Во текот на овој месец регистрирани се и голем број оздравени, најмногу на 14 август – 60 во едно деноноќие.

Во овој месец починале двајца пациенти, на 1 и 9 август или осум од почетокот на пандемијата.

Според надлежните, од крајот на февруари, кога болеста се појави во ова подрачје, од направените околу 1200 тестови, позитивни се 236, дури 90 отсто од нив во Дебар, а останатите во општина Центар Жупа.

Од вкупниот број заразени лица досега, во списокот на оздравени се впишани 152, додека активни на болеста се 76, поголемиот процент со лесна форма на болеста.

Би можело да ве интересира

Лажеле дека им била ограбена куќата, па заработија кривична пријава

Деветгодишниот Павел Ангеловски вторпат го фати светиот крст во Дебар

А1он

Грип, ковид и инфекции на дишните патишта ги полнат амбулантите и болниците

Кривична за родители: Ги запуштиле своите малолетни деца и ги терале да питачат

Дебранец вработен во поштата во Центар Жупа си присвоил над три милиони денари

Снег во Дебарско, прекини во снабдувањето со струја