Наставата во најголемото основно училиште „Григор Прличев“ во Охрид од денеска повторно се одвива според редовиот распоред, откако вчера објектот повторно беше приклучен во електричната мрежа.
Струјата во образовната установа беше исклучена од минатиот вторник, кога ЕВН ја прекина доставата на електрична енергија поради неподмирен долг.
Разврската околу измирувањето на долгот беше добиена откако поради настанатата ситуација вонредно заседаваше градскиот Совет, кој донесе одлука Општината да ја преземе обврската за исплата на долгот кон ЕВН.
Неколку дена по исклучувањето се до вчера наставата во училиштето се одвиваше со скратени часови.
Инаку, ОУ „Григор Приличев“ веќе девет месеци работи со блокирана сметка поради доспеано извршно решение за надомест за експропријација на земјиште по побарување од 1989 година.