Дополнителниот заменик-министер за земјоделство, шумарство и водостопанство Љупчо Николовски денеска побара оставка од министерот за земјоделство Михаил Цветков за да се обезбеди, како што рече, независна истрага за случајот со злоупотребите во Министерството за земјоделство.
– Објаснувањето на Министерството дека се води интерна истрага за случајот со раководителот на Подрачната единица на Министерството во Битола, Илија Србиновски, но и за други конкретни склучени договори и случаи, дополнително го зголеми скандалот, рече Николовски.
Тој посочи дека договорот со кој е прекршен Законот за земјоделско земјиште е потпишан во јануари 2010 година што, според него, значи дека пет години контролата во Министерството не функционирала.
Николовски побара да ми бидат доставени сите интерни истраги кои ги најавило Министерството.