Никола Наумоски е поставен за шеф на кабинетот на новиот градоначалник на Град Скопје од редовите на СДСМ, Петре Шилегов.
Оваа информација за А1он ја потврди лично Наумоски. Тој беше дел од изборната кампања на Петре Шилегов, кој имаше повеќе од 40 илјади гласови повеќе од досегашниот градоначалник Коце Трајановски кој ја изгуби градоначалничката трка уште во првиот круг од локалните избори.
– Не сакам да бидам јас главната ѕвезда во целата ситуција, туку во фокусот треба да остане работата на новиот градоначалник и Градот Скопје, вели Наумоски за А1он.
Тој неколку години наназад е дел од граѓанските здруженија и невладини организации чија цел беше подобрување на состојбите во главниот град на Република Македонија.
Наумоски важи за добар познавач на градските проблеми и негова работа во иднина ќе биде да се грижи за агендата на новиот градоначалник Петре Шилегов, како и да води сметка за неговите активности.
Виктор Јованов