Големото невреме проследено со обилни врнежи од град што попладнево го зафати Скопје, направи големи штети и во Драчево и околината на Кисела Вода. Градоначалникот Орце Ѓорѓиевски и службите веднаш излегоа на терен, каде на лице место се интервенира со цел што побрзо да им се помогне на жителите. На располагање стојат и дежурни телефони каде граѓаните кои имаат проблем, можат да се јават и да пријават информираат од Општина Кисела Вода.
– Драчево и околината на Кисела Вода денеска ги зафати силно невреме проследено со обилни врнежи од град кои направија огромна штета. Имавме доста повици за уништени автомобили и домови каде што веднаш интервениравме. За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно, вели градоначалникот Орце Ѓорѓиевски.
Од Општината повикуваат гражаните кои имаат проблем да се јават на телефоните 071391250 или 070259942.