Нема препораки за нови мерки, средба на Комисијата за заразни болести в понеделник

Од:

Комисијата за заразни болести денеска нема да издава препораки за нови рестрикции поврзани со заштитата од ширењето на коронавирусот, а следниот состанок ќе го одржи в понеделник, информираат од Министерството за здравство.

dobivaj vesti na viber

„Комисијата за разгледување на нови дополнителни мерки ќе одлучува на состанокот в понеделник, за да се даде време да се утврди дали мерките кои се веќе на сила даваат резултат. Комисијата ја следи епидемиолошката ситуација и доколку е потребно после викеднот ќе препорача дополнителни рестриктивни мерки, како целосно затворање на некои економски оператори и ограничување на движењето дали во текот на едно деноноќие, во попладневните часови или за време на викенд.

Како што денеска посочи министерот за здравство Венко Филипче, мерките кои се на сила доколку доследно се почитуваат, би дале резултати, исто како што би дал и полицискиот час.

Министерството за здравство и Комисијата за заразни болести апелираат на целосно и доследно почитување на мерките кои се на сила како забрана за работа на угостителски објекти после 21 часот, групирање повеќе од 4 лица во текот на 24 часа како и максимално почитување на протоколите на сите економски оператори“ – се вели во соопштението од Министерството за здравство.

Би можело да ве интересира

Минатата недела благ пораст на бројот на новите случаи на ковид, нема нови рестриктивни мерки

Катерина Павлова-Николовска

Комисијата за заразни болести препорачува укинување на сите рестриктивни мерки

Катерина Павлова-Николовска

(ВИДЕО) Петличковски: Во државата од пред неколку недели доминира стелт омикронот

А1он

Мехмедовиќ: Прифатив да бидам лице што ќе го сноси најтешкиот дел од Комисијата, да комуницирам со новинарите

Маја Илиевска-Пачемска

Сали за поканата до Даниловски, Пановски и Марковски: Не е време за молење туку за засукани ракави

Маја Илиевска-Пачемска

Министерот за здравство ги покани Даниловски, Пановски и Марковски да бидат дел од Комисијата за заразни болести

Катерина Павлова-Николовска