Нема договор, преговорите помеѓу СОНК и МОН продолжуваат за уште 10 дена

Од:

Денеска се одржа нова работна средба помеѓу Самостојниот синдикат за образование, наука и култура (СОНК) и Министерството за образование и наука, во рамките на десетдневниот рок за помирување, за усогласување на платите на вработените во основното и средно образование со порастот на минималната плата на национално ниво.

На средбата бил донесен заклучокот дека двете страни на колективниот работен спор имаат потреба од поголем временски период од 10 дена, под покровителство на помирувач, со оглед на фактот дека преговорите се движат во нагорна линија, соопшти СОНК по средбата.

„На денешните преговори двете страни ја утврдија содржината на препораката, според која продолжуваат преговорите помеѓу СОНК и МОН за уште 10 дена. Предвидено е во дополнителните денови да се утврди процентот на усогласување на платите, како и дефинирање на крајни рокови за склучување на нови колективни договори за основно и средно образование“, се вели во соопштението од Синдикатот.

Се додава дека содржината на препораката се утврдува со цел во понатамошните преговарања да не се почнува одново туку од каде што е постигната согласност.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов

Ректоратот бара, МОН ветува дека нема да се зголеми партиципацијата за студентите

Орце Костов