Не ми е важно каде ќе ја дочекам одлуката, само сакам разрешница, кажа таткото на Вања на седница во Врховниот суд

Од:

Воопшто не ми е битно каде ќе ја дочекам конечната одлука, само сакам разрешница, кажа Александар Ѓорчевски, татко на убиената Вања Ѓорчевска на јавната седница во Врховниот суд, по жалбата која беше поднесена од адвокатот Владимир Туфегџиќ за продолжениот притвор.

„Поделен сум на два света, едно дете ми зедоа, другото ми е тука. Воопшто не ми е битно каде ќе ја дочекам конечната одлука, само сакам да има разрешница за да одлучам дали да останам на овој, или да одам на оној свет“, рече Ѓорчевски.

Туфегџиќ пак, кажа дека бара укинување на притворот за Ѓорчевски и посочи дека одлуката на Апелацискиот суд Скопје е во спротивност со Европската конвенција за човекови права.

„Притворот трае речиси четири месеци, а нам не ни е дадена барем една индиција дека обвинителството има основано сомнение дека Ѓорчевски сторил кривично дело“, кажа адвокатот на Ѓорчевски.

Според обвинителката Наталија Тасевска од државното Јавно обвинителство, Апелациониот суд донел јасно и недвосмислено решение за продолжување на притворот.

„Истрагата е во тек со вештачење на телефонските разговори и затоа се уште постои основано сомнение дека Ѓорчевски сторил кривично дело – грабнување. Притворениот може да влијае врз сведоците, затоа што нема гаранција дека иако тие се испрашани, нема подоцна да ги сменат изјавите“, кажа обвинителката.

Таткото на Вања, Александар Ѓорчевски е осомничен дека давал информации на првоосомничениот Љупчо Палевски – Палчо, за движењето на неговата ќерка.

Би можело да ве интересира

Во присуство на родителите и адвокат се предаде и вториот малолетник осомничен за бруталното убиство во Белград

Анита Петровска Рајковиќ

Уапсен малолетник осомничен за убиството на братот на министер од БиХ во Белград

Катерина Ѓуровски

Сопругот на италијанската европратеничка е пронајден мртов во автомобилот

Предраг Петровиќ

Четири лица загинаа во пожар во Токио

30 дена притвор за убиецот од Стајковци

Горан Наумовски

ОЈО бара притвор за двојниот убиец од скопското село Стајковци

Горан Наумовски