ВИДЕО: Најопасниот отпад во ОХИС го обезбедуваат чувари 24 часа

Од:

Винил хлоридот, една од најопасните материи се чува на специјална температура, под 20 степени затоа што е лесно запалива. Има физичко обезбедување на цистерната од 24 часа и состојбата е под контрола, информираше Владо Момировски од Еко центар 97, фирмата која доби на тендер, да го отстрани опасниот отпад од поранешна ОХИС.

„За винил хлоридот немаме решение. Тоа е високо токсична материја, за која е потребна посебна процедура за транспорт. Тој е лесно запалив и може да предизвика хаварија. Скоро сите земји на ЕУ се ослободијa од него, кај нас се чува преку 30 години. Сега имаме контрола со мониторинг, замислете што би можело да се случи во изминатите 10 години кога немало никаква контрола? За него, ќе треба да почекаме и да го видиме каде ќе се уништува, постојат само две такви печки во Германија“, рече Момировски.

Останатите 11 опасни материи се спакувани во специјални буриња, се чуваат во магацин и не претставуваат опасност за хаварија, информира од Еко центар 97. Како што рече, Момировски, овој отпад откако ќе ги помине сите потребни контроли ќе заврши во горилница во Швајцарија.

„Ова е комплексен процес, отпадот треба да помине низ седум држави кои треба да одобрат, а при тоа да се транспортира и однесе безбедно. Овде има отпад од 65 до 70 тони кој треба да се уништи. За сета процедура имаме ангажирано и консултанска куќа, „Еко мозаик“, која ни помага да ја обезбедиме документацијата“, рече Момировски.

Тој не знаeше да каже дали има друг неидентификуван отпад во кругот на фабриката, а за истекувањето на цистерната повтори дека нема опасна супстанца во воздухот. Од компанијата велат доколку Министерството утврди дека имало пропусти, тие се подготвени да се сносат со изречените мерки.

Би можело да ве интересира

Макрадули: Се анализираат примероци од камионите запрени на „Богородица“, отпадот останува на царински терминал

Драган Поповски

МЖСПП: Првата тура опасен историски отпад од „Охис“ пристигнат во Базел

Ана Ололовска

Екоцентар 97: Огласените количини опасен отпад во кругот на АД ОХИС базирани на информации стари над 20 години

Поранешни вработени во „Треска“ маршираат до Влада, а вработени во „Охис“ протестираат пред Собрание

Маја Илиевска-Пачемска

Готови се анализите за ОХИС: Во воздухот немало отровни супстанци

Габриела Димковиќ-Мишевска

Макрадули: Саниран инцидентот во „Охис“, не постои никаква опасност

Татјана Ташкова