Обелоденето е колку чинат античките столбови кои се дел од прокетот „Скопје 2014“, објавени се конечните суми што се трошат за античката колонада, деветте музи и лавовите.
Столбовите на Колонадата, наречена „Независна Македонија“, чинат 880 илјади евра. Деветте музи во бронза, високи по два ипол метри и двата лава, се тешки 41.000 евра.
Општина Центар ја објави цената на градежните работи за Карпошовото востание.
Без спомениците и придружните објекти – само градежните зафати за плоштадот чинат 4,8 милиони евра.
Телевизија Телма објави дека на простор од еден километар квадратен во централното подрачје на Скопје, засега се подигнати 130 споменици и бисти. Новата зграда на Министерството за надворешни работи има близу 70 споменици и скулптури, а малиот „Мост на уметноста“, 28.