Вчера околу 18.30 часот на магистралниот пат A4 Струмица-Радовиш кај село Владевци, се случила сообраќајна несреќа помеѓу патничко возило „шевролет спарк“ со струмички регистарски ознаки, управувано од 18-годишниот В.Т. од село Сушево, струмичко и мотоцикл „кавасаки“ со кочански регистарски ознаки, управуван од 58-годишниот С.К. од Кочани, извести МВР.
– На местото на несреќата починала сопатничката на мотоциклот, 44-годишната Р.К. од село Градец, виничко, а смрт констатирал лекар од Итна медицинска помош, додека мотоциклистот С.К. се здобил со тешки телесни повреди, констатирани во Медицински центар-Струмица, соопшти МВР.
Увид извршиле Јавен обвинител и екипа од СВР Струмица.