МВР потврди: исчезнатиот Александар пронајден мртов, ќе се испитува како починал

Од:

Александар Јошески од Прилеп по кого се трагаше неколку дена, синоќа е пронајден мртов.

Од МВР, потврдија за А1он дека неговото тело е пронајдено вчера.

„ На 22.02.2024 во ОВР Прилеп било пријавено дека во 20.15 часот на место викано „Топташ“ во Прилеп бил пронајден починат А.Ј.(46) од Прилеп, за кој истиот ден во 10.00 часот неговата сопруга С.Ј.(47) пријави дека се оддалечил од домот. Смрт констатирал доктор од Итна медицинска помош Прилеп,  а увид извршила екипа од ОВР Прилеп.“

Јошески исчезна на 21 февруари, а последен пат бил виден кај автомеханичар „Цуцуло“. Неговото семејство побара помош и апелот за пронаоѓање на Александар се ширеше низ социјалните мрежи.

По наредба на јавен обвинител  телото на починатиот било дадено на обдукција, по која ќе се утврди како починал 46 годишниот прилепчанец. Според информациите од членови на семејството обдукцијата е завршена и телото им е предадено.

„Го пронајдовме. Ви благодарам на сите за помошта. Бог да го прости, не е повеќе меѓу нас“, напиша Ана Марија Јошеска.
 

Би можело да ве интересира

СДСМ достави документи до ДКСК: Бара постапка за тендерот во МВР

Уапсен е возач кој управувал возило со 2,10 промили алкохол во крвта

А1он

Левица: Тошковски продолжува со алармантни тендери-милиони ќе се слеат во блокирани и фантом фирми

Предраг Петровиќ

МВР: Уапсени се четворица осомничени криминалци во акцијата „Букнер“

А1он

МВР со детали за сообраќајната несреќа на новиот експресен пат Прилеп – Градско

Апсење на члeнови на „Беланоца-Барон“ за убиствата на Пластичарска и во Ханиоти