Министерството за внатрешни работи денеска соопшти дека инцидентот пред штабот на политичката партија ГРОМ, што се случи во неделата вечерта, е целосно расчистен, документиран и испратен до Основното јавно обвинителство Скопје, кое треба да даде насоки за натамошно постапување.
Во врска со настанот што се случи во неделата (15.10) на ул.„Митрополит Теодосиј Гологанов“ во Скопје, пред штабот на политичката партија ГРОМ, каде што имаше пријава за нарушен јавен ред и мир, како што МВР претходно ја информираше јавноста, во Полициската станица Карпош беа повикани лицата С.Р (51) и Е.Ш (36) од Скопје, со кои што беше извршен разговор, се наведува во соопштението од Министерството за внатрешни работи.