Москва: Не постои правна основа да се ослободи Навални, Европскиот суд грубо се меша во внатрешните работи на Русија

Од:

Одлуката на Европскиот суд за човекови права (ЕСЧП) за ослободување на опозицискиот лидер Алексеј Навални нема „правен основ“, оценија денеска руските власти.

-Барањето на судот е неприменливо, бидејќи во рускиот закон нема правен основ што дозволува ослободување на вакво лице, изјави рускиот министер за правда, Константин Чуиченко, додавајќи дека станува збор за „грубо мешање во внатрешните работи на Русија“.

ЕСЧП претходно денеска побара од Русија веднаш да го ослободи Навални, наведувајќи дека неговиот живот е во опасност.

„Судот при одлучувањето ја зеде предвид природата и степенот на ризик по животот на апликантот, што се разгледуваше во светло на општите околности на неговиот сегашен притвор“, соопшти судот, додавајќи дека Русија, како потписник на европската Конвенција за човекови права, имаа „обврска да се придржува“ до неа.

Оваа „привремена мерка“ е донесена врз основа на барање, што Навални го поднел на 20 јануари, а во кое бара негово ослободување.

Во моментов најпознатиот противник и критичар на официјален Кремљ изјави дека мерките на руските власти „не можат да обезбедат доволни гаранции за неговиот живот и здравје“.

Навални беше уапсен на 17 јануари откако се врати во Русија од Германија, каде со месеци заздравуваше од труењето со нервниот агенс „Новичок“.

Неговото апсење предизвика протести низ цела Русија, кои завршија со апсење на околу 11.000 лица.

Би можело да ве интересира

Кадиров и се закани на Полска: Што ако продолжиме со денацификацијата во следната земја?

Ана Ололовска

Градскиот суд во Москва ја потврди пресудата за затворање на рускиот независен весник „Новаја Газета“

Ана Ололовска

Русија ја обвинува Американската амбасада за лажни вести, се заканува дека ќе протера дипломати

Пијан Русин сакал да го украде телото на Ленин

Горан Наумовски

Руска блогерка доби девет години затвор затоа што напишала дека руските војници уриваат градови во Украина

Ана Ололовска

Мекгрегор: Русија нема да престане до целосен пораз на Украина

Предраг Петровиќ