Москва: Не постои правна основа да се ослободи Навални, Европскиот суд грубо се меша во внатрешните работи на Русија

Од:

Одлуката на Европскиот суд за човекови права (ЕСЧП) за ослободување на опозицискиот лидер Алексеј Навални нема „правен основ“, оценија денеска руските власти.

-Барањето на судот е неприменливо, бидејќи во рускиот закон нема правен основ што дозволува ослободување на вакво лице, изјави рускиот министер за правда, Константин Чуиченко, додавајќи дека станува збор за „грубо мешање во внатрешните работи на Русија“.

ЕСЧП претходно денеска побара од Русија веднаш да го ослободи Навални, наведувајќи дека неговиот живот е во опасност.

„Судот при одлучувањето ја зеде предвид природата и степенот на ризик по животот на апликантот, што се разгледуваше во светло на општите околности на неговиот сегашен притвор“, соопшти судот, додавајќи дека Русија, како потписник на европската Конвенција за човекови права, имаа „обврска да се придржува“ до неа.

Оваа „привремена мерка“ е донесена врз основа на барање, што Навални го поднел на 20 јануари, а во кое бара негово ослободување.

Во моментов најпознатиот противник и критичар на официјален Кремљ изјави дека мерките на руските власти „не можат да обезбедат доволни гаранции за неговиот живот и здравје“.

Навални беше уапсен на 17 јануари откако се врати во Русија од Германија, каде со месеци заздравуваше од труењето со нервниот агенс „Новичок“.

Неговото апсење предизвика протести низ цела Русија, кои завршија со апсење на околу 11.000 лица.

Би можело да ве интересира

Руски генерал: Ако Западот воведе забранета зона за летови над Украина, ќе ги нападнеме земјите од НАТО

А1он

Песков: Сакаме да ја решиме украинската криза со политички и дипломатски средства

Руското МВР тврди: Регистрирани се 10 обиди за терористички напади за време на локалните избори

Вадeфул: Слободниот свет е силен, Европа нема да ѝ попушти на Русија

Медведев: Русија ќе ги гони европските дегенерици кои се обидуваат да ги запленат нашите средства

Туск неволно признава: Проруските чувства растат во Полска