МОН и СОНК ги продолжуваат преговорите за платите на наставниците

Од:

Министерството за образование и наука (МОН) и Синдикатот за образование, наука и култура (СОНК) ги продолжуваат преговорите за зголемување на платите на наставниот кадар. Тие имале средба минатата недела, а ќе имаат и во наредните денови, но не е разговарано, како што рече ресорниот министер Арбер Адеми, за конкретен процент за покачување на платите.

СОНК на првиот училишен ден одржа предупредувачки штрајк со барање платите на вработените во образованието да бидат зголемени за онолку проценти за колку што е зголемена минималната плата во државата, однсно до 25 отсто, и даде рок до крајот на месецов за усогласување со МОН, најавувајќи протести од октомври ако нема решение.

– Можеби оваа недела ќе имаме пак средба. Важно е дека има конструктивен дијалог, има сериозен пристап од наша страна за да има идно покачување на платата во дејноста образование. Но, конкретен процент на идно покачување на платите, досега немаме понудено од наша страна. Така што, продолжуваат на најдобар можен и на најконструктивен начин преговорите за подобрување на материјалниот статус на сите вработени во дејноста образование, изјави Адеми.

Во врска со недостигот на учебници по некои предмети и во некои училишта, министерот рече дека учебниците кои имаат дозвола за употреба од минатиот период се во употреба, а во врска со учебниците по историја посочи дека за да има каква било промена треба да имаат, како што рече, финален став од меѓудржавните комисии и со Бугарија и со Грција, а тоа треба да помине и на Влада.

-Така што, евентуално за која било новина во содржините на учебниците јавноста ќе биде благовремено известена. Досега немаме некој финален исход од меѓудржавните комисии, рече Адеми.

Тој додаде и дека сите учебници кои МОН ги откупува од издавачките куќи веќе се обезбедени и дистрибуирани. Но,за учебниците за кои МОН го има ексклузивното право и за кое треба да определи оператор за печатење, јавната набавка е во финална фаза.

– Минатата недела имаше електронска аукција и треба да имаме оваа недела одлука за избор и да определиме кој ќе биде операторот. Во последниве четири или пет години не сме имале успешна јавна набавка во овој дел, бидејќи јавните набавки биле поништени или преку некоја втора инстанца или во судски процес, така што сме на добар пат и веќе постапката е заокружена, завршена. Електронска аукција имаше минатата недела, така што оваа недела треба одлука за избор поврзана со јавната набавка. Така што и тие учебници, како што е учебникот по историја и други учебници – мајчин јазик итн. што овие последниве четири-пет години не биле новопечатени, ќе бидат печатени и ќе се дистрибуираат, информираше министерот.

Адеми денеска присуствуваше на меѓународен семинар на кој учествуваа претставници од земјите со статус кандидати за членство во ЕУ, посветен на поврзаноста на образованието со пазарот на трудот.

На отворањето на семинарот тој информираше за реформите што Владата и МОН ги прави за модернизирање на стручното образование и обука. Двегодишно и тригодишното средно стручно образование, рече Адеми, е целосно реформирано и има повеќе од сто нови наставни програми.

– Четиригодишното стручно образование, исто така, е целосно реформирано, со повеќе од илјада нови модуларно дизајнирани наставни програми. Продолжуваме и со конкретни активности за поддршка на средните стручни училишта и за формирање реални училишни компании каде што МОН доделува конкретни грантови, како и во делот на опремување на средните стручни училишта. Овие активности ќе продолжат и во следниот период бидејќи подигнувањето на квалитетот на средното стручно образование е врвен приоритет на МОН и на Владата, истакна Адеми.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов

Ректоратот бара, МОН ветува дека нема да се зголеми партиципацијата за студентите

Орце Костов