МНР: Ранетиот Слезовиќ е во стабилна состојба и е надвор од животна опасност

Од:

По вчерашниот инцидент, Амбасадата на Република Северна Македонија во Атина и Генералниот конзулат во Солун се во постојана комуникација со официјалните претставници на институциите на Грција и за сите промени редовно известуваат во централата на Министерството за надворешни работи во Скопје, објави денеска МНР.

Министерството за надворешни работи информира дека ранетиот Сеад Слезовиќ е во стабилна состојба, по вчерашното пукање на Халкидики, кога беше убиен Орхан Бајрами – Оки.

„Според информациите добиени од Генералниот конзулат во Солун, кој е во редовна комуникација со болницата каде е хоспитализиран повредениот од вчерашниот инцидент во Халкидики, повредениот е во стабилна состојба и е надвор од животна опасност.

Дипломатско-конзуларната мрежа на Северна Македонија во Грција е активна, и покрај редовните известувања, стои на располагање и за евентуални потреби на нашите институции.

Според информациите добиени од Министерството за внатрешни работи на Северна Македонија, во делот на оперативната соработка веднаш по вчерашниот настан службите на двете земји се во постојана комуникација и разменуваат информации во полза на истрагата и расчистување на случајот“, велат од МНР.

Би можело да ве интересира

Борбата со пожарот на Хиос продолжува трет ден, ситуацијата е сериозна

Горан Наумовски

ВИДЕО: Голем пожар втор ден беснее на грчкиот остров Хиос

Тело на српска државјанка е пронајдено на плажата Макригијалос во Катерини

Горан Наумовски

26-годишна жена од Битола осомничена за обид за убиство на нејзините баба и дедо

Горан Наумовски

Уапсен e мажот кој е осомничен за убиство на демократската претставничка Мелиса Хортман и нејзиниот сопруг

Хеликоптер се урна во предградието на Атина