МНР: Идентификувани двајца од тројцата починати патници од автобусот што се преврте кај Лесковац

Од:

Во автобуската несреќа која што се случи во близина на Лесковац во Србија рано утрово, загинаа три лица, од кои идентификувани се една 68-годишна жена и еден 68-годишен маж, соопшти македонското министерство за надворешни работи.

Тие известуваат дека третата жртва се’ уште не е идентификувана. Надлежните служби работат на идентификација и на повредените.

Автобусот кој што утрово се преврте во близина на Лесковац е на компанијата Еуробус од Струга, а кон местото на несреќата се упатиле министерот за здравство Венко Филипче, генералниот секретар на Владата Драги Рашковски и претставник од македонската амбасада во Белград.

Вкупно се повредени 32 лица, од кои 28 се вон животна опасност и се згрижени во општата болница во Лесковац. Од нив 4 се на хиругија, 1 на ортопедија.

Четворицата кои се потешко повредени се префрлени во Клиничкиот центар во Ниш. Според персоналот на болницата тие се вон животна опасност, но нивната ситуација константно се следи.

Од МНР известуваат на сите патници кои ќе бидат пуштени од болница ќе им биде обезбедено сместување.

Фото: РТС

Би можело да ве интересира

Српската влада до граѓаните: Не патувајте во Хрватска, може да биде опасно

Нови блокади на раскрсници во Нови Сад од 19 часот

39-годишен Македонец загина во сообраќајка во Србија

Катерина Ѓуровски

Продолжуваат протестните блокади во Белград по полициската акција

Горан Наумовски

Продолжуваат протестните блокади во Србија

Горан Наумовски

Вучиќ во живо ги објави резултатите: Убедлива победа на СНС во Косјериќ