МНР апелира македонските дражвјани да ја напуштат Русија со комерцијалните летови

Од:

Со оглед на одлуката на ЕУ и други европски земји, вклучувајќи ја и Република Северна Македонија, за затварање на Европскиот воздушен простор за Руските авиопревозници, апелираме нашите граѓани кои престојуваат на територијата на Руската Федерација, да ги искористат сеуште расположливите комерцијални летови, копнени и морски линии за напуштање на таа земја. Ваквото предупредување следува поради можноста да дојде до целосен прекин на авио линиите од и кон Русијa велат од Министерството за надворешни работи.

– Соодветно, ги повикуваме сите државјани на Северна Македонија кои во претстојниот период планираат посета на Руската Федерација, да се воздржат од патувања кон истата. Министерството за надворешни работи на Република Северна Македонија ги следи одблиску состојбите, и е во постојана комуникација со нашите партнери и сојузници со кои на дневна основа разменуваме информации и анализи за актуелните состојби.

За поддршка на државјаните на Северна Македонија кои моментално се наоѓаат во Руската Федерација, стојат на располагање следните телефонски броеви на Амбасадата:+ 74 99 124 33 57 (фиксен) + 79 58 643 34 63 (мобилен) е-mail: [email protected] [email protected]

Дополнително, нашите државјани може да се обратат и во Министерството за надворешни работи на дежурниот телефонски број +389 75 273 732 и следната е-меил адреса: [email protected]

Воедно ги известуваме сите нашите граѓани, кои се наоѓаат во или надвор од нашата држава, да ги следат и да се информираат само од официјалните канали на информирање кои доаѓаат од Министерството за надворешни работи, социјалните мрежи на Министерството и Амбасадата на Република Северна Македонија во Москва.

Министерството за надворешни работи ќе продолжи да ги следи состојбите во Русија и навремено ќе информира за евентуални дополнителни насоки за постапување на нашите државјани.

Би можело да ве интересира

Боцан-Харченко: Ситуацијата во Србија е под контрола на властите, надворешните антисрпски сили ги користат протестите

Предраг Петровиќ

ВИДЕО: Ким Јонг-ун им оддаде почит на севернокорејските војници загинати во Украина

ВИДЕО: Жесток украински напад на окупираните Донецк и Луганск, погодена руска база

Катерина Ѓуровски

(ВИДЕО) Русите ја поминаа психолошката бариера: Освоивме место во нова регија

Конзулатот е во комуникација со семејството на починатото девојче во Италија за транспорт на посмртните останки во земјава

НАТО би можело да се распадне, порака од Русија