Детска едукативна претстава „Градот моли:ме угушивте, ме боли!“, која како тематика го обработува проблемот со аерозагадувањето, ќе се одржи вечер во кино Фросина.
Мјузиклот е во организација на заедницата на еко-активисти „Скопје Смог Аларм“, со поддршка од НВО „Еко Свест“ и во соработка со едукативниот центар за деца и млади „Колектив Ветерница“.
Целта на мјузиклот е зголемување на нивото на свест за последиците од аерозагадувањето, од кое за жал се најпогодени оние кои ни значат најмногу. Децата ќе пеат и на најверодостоен начин ќе им испратат порака на одговорните дека здравјето е најважното нешто на светот.
Проектот е финансиран од Амбасадата на САД во Македонија и е имплементиран од „Еко-свест“ и партнерските организации.