Митревски: Решението на Врховен суд е донесено врз основа на нелегитимни документи

Од:

Претседателот на Сојузот на синдикати на Македонија Живко Митревски тврди дека решението на Врховниот суд е донесена врз основа на нелегитимни документи и фалсификувани печати.

На прес-конференција Митревски рече дека со употреба на фалсификувани печати некој претставувајќи се лажно како ополномошен претставник на ССМ доставил жалба до Врховниот суд со која се бара бришење од Централниот регистар на претседателот на ССМ.

– Со ова се направени дополнителни кривични дела за кои сторителите дополнително се пријавени со проширување на кривичните пријави и со поднесување на мерки за обезбедување и притвор поради повеќекратното повторување на кривичните дела, истакна Митрески на попладневната прес-конференција.

Тој напомена дека веднаш по добиените сознанија до Основното јавно обвинителство, Републичкиот судски совет и до Врховниот суд презеле повеќе правни дејствија со цел да се утврдат фактите.

– Бараме, како впрочем што бараат и сите во оваа држава, да се утврди ваквата вистина, да се утврди легитимитетот и доколку се утврдат кривичните дела, сторителите да бидат казнети, како и соучениците, вклучително и самонаречените овластени претставници и застапници на ССМ, за кои никогаш ниту добиле полномошно да водат постапки, ниту пак тие документи се со оргинални печати, рече Митрески.

Недоразбирањата во ССМ околу изборот на претседател почнаа минатата година кога дел од синдикатите соопштија дека на седница на Советот бил отповикан Митревски. Од друга страна, Митревски тврди дека има поддршка од 13 гранкови синдикати.

Би можело да ве интересира

Комитетот за правда на Сенатот ја поддржа Барет за нов член на Врховниот суд на САД

Жарко Настоски

ССМ: Работниците мора да се во центарот на интерес на владините политики

Ана Ололовска

Митревски: Имам крунски доказ дека Димовски е нелегитимен претседател на ССМ

Ана Ололовска

ССМ: Одбиена жалбата на Митревски, неспорен е уписот на Димовски за претседател

Ана Ололовска

Регулаторната комисија предлага повеќе граѓани да користат субвенции за енергетска сиромаштија

Жарко Настоски

ССМ испорача барања до Владата, премиерот ветува исполнување на оние кои реално може да се реализираат

Ана Ололовска