Министерот Спасовски се сретна со шефот на Канцеларијата за врски на Грција во земјава

Од:

Министерот за внатрешни работи Оливер Спасовски денеска одржа работна средба со шефот на Канцеларијата за врски на Република Грција Димитрис Јанакакис.

Амбасадорот, како што соопшти МВР, му посакал успешна работа на министерот Спасовски, особено во делот на спроведувањето на реформите и ја потенцирал подготвеноста за соработка меѓу двете земји.

Министерот Спасовски ја потенцирал соработката што МВР ја имаше со грчката полиција во периодот на техничката влада, кога беа направени и контакти меѓу министрите на двете земји, а беше организирана и средба на директорите на двете полиции.

Спасовски и Јанакакис се согласиле дека соработката мора да се интензивира во интерес на безбедноста на граѓаните на двете земји, особено во борбата против тероризмот, насилниот радикализам, организираниот криминал и проблемот со мигрантите. Регионалната соработка е неопходна за успешно справување со овие предизвици, а мигрантската криза беше пример за тоа колку е потребна соработката меѓу Република Македонија и Република Грција.

Би можело да ве интересира

Кривична пријава за градоначалникот на Кичево, Фатмир Дехари

Катерина Ѓуровски

Мртво девојче е пронајдено на плажа во близина на Атина

Силна експлозија пред станбена зграда во Солун, најмалку двајца се повредени

(ВИДЕО) Несреќа во Грција: Огромен кран падна врз куќа, неколку лица се повредени

МВР: Уапсени се две лица, одземено е товарно возило, запленета е стоката

Српските ватерполисти поразени од Грција во натпреварот за бронзениот медал на Светското првенство