Министерот за надворешни работи Никола Димитров утре ќе претстојува во работна посета на институциите на Европската унија.
Фокусот на посетата ќе биде остварување средби и разговори со носителите на одлуки. Се предвидува МНР Димитров да оствари средби со заменик претседателот на ЕК Франс Тимерманс, со Еврокомесарот за образование, култура, млади и спорт Тибор Наврачич, со генералниот Директор за проширување Кристијан Даниелсон, со претставници од кабинетот на Претседателот на ЕК Јункер, како и со евро-пратеници. Разговорите ќе се одвиваат во контекст на евро-интегративните перспективи на Република Македонија во периодот што претстои.
МНР Димитров ќе ја искористи можноста да ги запознае соговорниците за постигнувањата на Република Македонија во имплементацијата на реформската агенда, како и за унапредувањето на добрососетските односи, во пресрет на објавувањето на Стратегијата на претседателот на ЕК Јункер за проширувањето на ЕУ во февруари 2018 г., како и објавувањето на извештајот на ЕК за напредокот на Република Македонија во април 2018 г.