Антонио Милошоски по вчерашната изјава на претседателот на Грција, Прокопис Павлопус на својот Фејсбук профил напиша дека Македонија е грчка колку што е Алјаска руска.
„Македонија е грчка, колку што е Аљаска руска. Но, сепак би рекол дека има нешто Фројдовско во потребата на Претседателот Павлопулос токму во градот Воден да изјави дека Македонија е една и грчка. Тој си знае зошто“, напиша Милошоски.
„А кога станува збор за Македонија, она што го знаат и тој и сите земји членки на Обединатите Нации е дека пресудата од Судот во Хаг е една и меѓународна, ниту грчка, ниту македонска. Затоа во име на владеењето на правото, време е официјална Атина да ја примени пресудата од Хаг“, напиша на Фејсбук, Милошоски.
