„Она што го поседувавав како материјал аудио и транскрипти во кои се слуша гласот на Зоран Заев го предадов во Обвинителството и уредно беше направен записник. Затоа предлагам дека најдобро би било да го повикаат Зоран Заев во Обвинителство да каже кој бил со него во Владата и тие лица што биле со него да бидат повикани како сведоци“, кажа Антонијо Милошоски.
„Овој пат ќе кажам дека има разлика дека, бидејќи и самиот Заев кажа дека бил неговиот глас на снимките. Второ како предлог што го дадов е да се земат снимки од камерата на Владата при што со сигурност може да се утврди кој во месец мај 2019 бил на разговор во Владата и со која намера. Се работи за материјал од анонимен укажувач и јас не можам да влијаам него. Она што го имаше како материјал ми го достави и јас го проследив до Обвинителството. Уште еднаш ќе повторам дека овие транскрипти содржат индиции за мешање на извршната во законодавната власт. Затоа е најдобро да се започне предистражна постапка, која ќе ги расветли овие сомнежи“, рече Милошоски.
Овие снимки Милошоски ги предава во Обвинителството за гонење на организиран криминал и корупција, откако првично на прес-конференција викендов објави дека наводно Заев бил во дослух со екс шефицата на СЈО, Катица Јанева и посочи дека законодавната власт имала влијание врз судската власт.