Мицкоски: Не сум сигурен дека цела опозиција сака предвремени парламентарни избори

Од:

Не сум сигурен дека цела опозиција сака предвремени парламентарни избори, но доколку се согласат, ние сме секогаш подготвени за избори, порача денеска премиерот Христијан Мицкоски.

Прашан во однос на информациите дека во пресрет на локалните избори Арбен Таравари би можел да ја напушти и коалицијата Вреди и владината коалиција, Мицкоски рече дека нема такви информации, и дека владината коалиција функционира одлично.

-Немам такви информации дека ќе ја напушта владината коалиција и коалицијата Вреди. Напротив мислам дека владината коалиција функционира одлично, а што се однесува до локалните избори и како ќе се позиционира коалицијата Вреди, тоа прашање мислам дека е најсоодветно да го адресирате кон нив, изјави Мицкоски, одговарајќи на новинарски прашања, по поставување на камен темелник на мега-паркот со плоштад во населба Радишани.

За тоа како го коментира тоа што вицепремиерот Иван Стоилковиќ присуствува на настан против НАТО во Белград, а ние сме земја членка на НАТО, Мицкоски, рече дека не би го гледал тоа така.

– Не би го гледал ова низ таа оптика како што вие го кажавте, но за постапките и начинот, зошто е господинот Стоилковиќ таму, можеби е најдобро него да го прашате, изјави Мицкоски.

Министерот за здравство Арбен Таравари, одговорајќи на новинарско прашање, во врска со објавите на дел од медиумите дека тој ќе раководи со ресорот здравство до април, вчера рече дека односите меѓу партнерите во коалицијата се стабилни и продолжува да ја врши функцијата министер за здравство.

Би можело да ве интересира

(ВИДЕО) Кузеска: Дали Мицкоски се плаши од декласификација поради потврда на милионски криминал на ВМРО-ДПМНЕ?

(ВИДЕО) Петрушевски: СДС го прислушувале Мицкоски, новинари и бизнисмени за да се одржат на власт

Мицкоски: Дезинформациите и неоснованите критики се најголем предизвик денеска за медиумската сцена и самата демократија

Шест кандидати на AfD починаа пред германските избори

Немам добиено никаков документ, вели Мицкоски за предлогот на Филипче:

Горан Наумовски

Мицкоски: АР и АНБ ги користеле државните ресурси и ме прислушувале, мислејќи дека на тој начин ќе добијат предност кај нивните налогодавци