Мицевски: Филипче губи контрола, со навреда кон премиерот, го нарече идиот

Од:

Пратеникот и координатор на Пратеничката група на ВМРО-ДПМНЕ, Никола Мицевски, го обвини претседателот на СДСМ, Венко Филипче, дека „губи контрола“ откако во јавна комуникација го нарекол премиерот „идиот“.

„Ова е срам за македонската политичка сцена, за СДСМ и за Филипче како нејзин претседател. Вакви навреди кон претседател на Влада не ѝ доликуваат на опозиција која претендира некогаш да биде власт“, изјави Мицевски.

Тој оцени дека станува збор за „говор на омраза“ и речник кој, како што рече, не доликува на професор, доктор и политичар.

Мицевски исто така тврдеше дека Филипче е под политички притисок и дека неговите изјави се поврзани со внатрешни поделби и притисоци, при што праша дали зад неговата реакција стојат преземени политички обврски што не може да ги исполни.

„Зошто е толку нервозен и зошто инсистира на капитулација пред Бугарија? Суштината на неговиот денешен испад не е во тоа дали Исланд е дел од заедничкиот европски пазар. Прашањето е дали презел политички обврски што сега не може да ги исполни и дали токму тоа е причината за ваквата нервоза“, рече Мицевски.

На крајот, тој, во име на Пратеничката група на ВМРО-ДПМНЕ, го осуди она што го нарече „говор на омраза“ од страна на Филипче.

Би можело да ве интересира

Евроамбасадорот Рокас ќе му го врачи извештајот на Европската комисија на премиерот Мицкоски

Мицкоски: Македонија веќе 15 години не е членка на ЕУ поради вештачки прашања

Катерина Ѓуровски

Мицкоски: Компанијата „Гересхајмер“ планира нова инвестиција во Македонија

А1он

Мицкоски: Ја продлабочуваме економската соработка со Германија, целта е повеќе инвестиции и повисок БДП

Мицкоски чека одговор од студентите за владиниот предлог за студентски оброк

ВИДЕО: Дуел на Мицкоски и Филипче на пратенички прашања

Катерина Ѓуровски