Откако ДУИ одлучи Рамиз Мерко да замине во историјата, и наместо него како кандидат за градоначалник на Струга на локалните избори во март, да истрча актуелниот пратеник Арбен Љабуништи, Мерко за порталот Струга љајм изјавил дека мирно ја примил одлуката на централното претседателство. Тој кажа дека ќе ја почитува одлуката на партијата и оти активно ќе учествува во кампањата и ќе го подржува Арбен Љабуништа.
„Јас како градоначалник на општина Струга сум осум години и за тоа време се обидов да направам добри работи во корист на граѓаните. Јас сум претседател на ограникот на ДУИ во Струга и нормално е дека ќе се земам активно учество во изборната кампања со подршка на нашиот кандидат и ќе придонесам тој да победи на овие избори“, изјавил Мерко.
Мерко негира дека му било ветено заменичко министерско место или друга позиција во централната власт како компензација што нема да биде кандидат за градоначалник на Струга пренесува порталот. Мерко на само неколку дена пред одлуката на ДУИ, јавно изјавуваше дека е сигурен дека тој ќе биде кандидат и оти е прашање на денови кога неговото име официјално ќе биде соопштено.