Во Скопје денеска почнува дводневна меѓународна конференција „ЕУМЕТСАТ информативен ден за хидрометеоролошките служби од Западен Балкан“ на која се очекува да присуствуваат претставници од Светската метеоролошка организација и од националните хидрометеоролошки служби од регионот.
Конференцијата ја организираат Европската органзиација за експлоатација на метеоролошки сателити (ЕУМЕТСАТ) и Управата за хидрометеоролошки работи на Република Северна Македонија. Целта е да се запознаат присутните со сателитската програма на ЕУМЕТСАТ и можноста за користење на сателитските метеоролошки податоци од страна на националните метеоролошки служби.
На конференцијата најавено е обраќање на министерот за земјоделство Љупчо Николовски, директорот на Управата за хидрометеоролошки работи Ивица Тодоровски, директорот на ЕУМЕТСАТ, Ливио Мастроди и претставникот на Светската метеоролошка организација Тошијуки Курино.