Масовна тепачка на селски фудбал во тетовско, домаќинот пуштил публика и покрај забраната

Од:

Четворица фудбалери на фудбалскиот клуб Дрита од тетовското село Боговиње добија кривични пријави за насилство, откако нападнале тренер и член на стручниот штаб на ФК Гостивар, соопшти полицијата. Кривична пријава доби и сопственикот на клубот, кој дозволил на стадионот да влезе публика, иако тоа е забрането со важечките мерки за заштита од коронавирусот.

„СВР Тетово поднесе кривична пријава против Г.Б.(31), Н.М.(32), Н.М.(35) и Б.А.(23), сите од с.Боговиње, тетовско, поради постоење основи на сомнение за сторено кривично дело „насилство“ и против С.М.(37) од с.Боговиње, поради постоење основи на сомнение за сторено кривично дело „непостапување според здравствените прописи за време на епидемија,“ соопшти МВР.

На 27.03.2021, по завршување на фудбалскиот натпревар помеѓу екипите на ФК „Дрита“ од с.Боговиње и ФК „Гостивар“ од Гостивар, на фудбалското игралиште во с.Боговиње, Г.Б., Н.М., Н.М. и Б.А., фудбалери на ФК „Дрита“, физички ги нападнале играчот од ФК „Гостивар“, Х.Л.(26) и членот на ФК „Гостивар“ Н.С.(40), додека С.М. како организатор, не постапил според здравствените прописи за време на епидемија согласно одлуката на Владата, односно дозволил публика на трибините на стадионот, иако од полициски службеници од Полициското одделение Камењане бил предупреден при пријавување на натпреварот,“ велат од полицијата.

Би можело да ве интересира

Казнет возачот на „поршето“ непрописно паркирано во Дебар Маало, внатрешна контрола го проверува полицаецот што беше на настанот

Катерина Ѓуровски

Кривична пријава за полициски службеник од СВР Охрид, пронајдена му е дрога на работното место

Левица: Ја повикуваме власта веднаш да спроведе ветинг во МВР

МВР: Кривична пријава против 10 полициски специјалци

Кривична пријава против полициски службеник за оддавање службена тајна

А1он

(ВИДЕО) Казна за возачот кој со автомобил возеше по тротоар на Бит Пазар

А1он