Маричиќ-Дробњак: Преговорите се отворени, започнува процес кој бара активност и одговорност

Од:

Заменик претседателот на Владата задолжен за европски прашања, Бојан Маричиќ, заедно со експертот Владимир Дробњак, поранешен хрватски преговарач, денеска одржаа два координативни состаноци со министрите задолжени за кластерите и Работната комисија за евроинтеграции со државните секретари на институциите.

– Искуството и знаењето кое го има поранешниот хрватски преговарач Дробњак ќе биде од корист и ќе ни помогне полесно да ги надминеме предизвиците со кои ќе се соочиме во текот на преговорите, рече на состанокот вицепремиерот и главен преговарач Маричиќ.

– За секоја земја добивањето датум за почеток на преговорите со ЕУ е голем политички предизвик, но вистинската работа и задачите започнува по отворањето на преговорите, рече Владимир Дробњак, додавајќи дека тоа е невозможно е да се процени колку ќе трае преговарачкиот процес за Северна Македонија.

Вицепремиерот Маричиќ посочи дека започнуваме сложен процес на промени, во кој ќе ни е потребна сериозна посветеност за исполнување на целта, истакнувајќи дека експертизата на Дробњак несомнено ќе придонесе во овој клучен момент, кога се подготвуваме за најважната и најтешка фаза од евроинтеграцискиот процес, а тоа се преговорите.

Дробњак пред македонските министри и државни секретари низ дискусија ги посочи предизвиците со кои Северна Македонија може да се соочи, земајќи ги предвид искуствата на Хрватска во овој дел.

– Преговорите се отворени и мора да го трчате овој маратон одговорно, рече Дробњак додавајќи дека имаме предности во однос на другите земји компаративно и дека Северна Македонија може да смета на поддршката од Хрватска и понатаму во целокупниот процес.

Вицепремиерот Маричиќ и Дробњак се согласија дека влегуваме во нова димензија на евроинтеграциите и дека ова ќе биде комплексен процес, во кој мора да бидеме активни и да работиме на реформите.

Искуството на Хрватска во процесот на пристапување, новата методологија и преговарачка рамка и процедурите за преговори, Дробњак ќе го претстави и пред раководната структура на Секретаријатот за европски прашања.

Би можело да ве интересира

Маричиќ: Исходот со министрите од АА, зависи од проценката на Џафери

Маричиќ: Нема никакви проблеми во функционирањето на техничката Влада

Американскиот помошник-државен секретар О`Брајан пристигна во Скопје

Маричиќ од Валандово: Членство во ЕУ за повеќе пари преку европските фондови

Маричиќ од Гевгелија: Инвестирани 813 милиони евра преку ИПА, интеграцијата во ЕУ носи повеќе за сите!

Маричиќ за изјавата на Габриел: Освен внесувањето на Бугарите во Уставот, други услови нема

Орце Костов