Манчевски: Се подобрува примената на системот на заслуги при вработување и унапредување на административните службеници

Од:

Пред претставници на граѓанскиот сектор, меѓународната заедница и на државни институции денеска е презентиран нацрт-годишниот извештај за имплементација на Акцискиот План на Стратегијата за реформа на јавната администрација 2018-2022.

Како што истакна министерот за информатичко општество и администрација, Дамјан Манчевски, остварувањето дијалог со сите чинители, особено во значајни области како што е реформата на јавната администрација, е многу важно и е секогаш високо на агендата.

Според Манчевски, постигнат значаен напредок во однос на целокупниот процес на креирање политики, консултација со засегнатите страни и координација.

-Среднорочното и секторското планирање значително се подобри и во 2019 имаме нешто повеќе од 97 проценти имплементација на клучни владини плански документи, што е речиси двојно повеќе од 2018. Учеството на засегнатите страни во креирањето на политики и закони се подобри, што тоа делумно се должи и на фактот дека континуирано расте процентот на нацрт Извештаи за ПВР и нацрт закони објавени на ЕНЕР за кои е запазена процедурата за навремено објавување, достигнувајќи 95 проценту во 2019 година. Воедно, се подобри и квалитетот на извештаи за ПВР, односно има пораст од речиси 10% на бројот на ПВР извештаи кои ги исполнуваат минимум критериумите во однос на процедурата и транспарентноста на процесот на ПВР, рече министерот Манчевски, соопшти МИОА.

Според министерот, примената на системот на заслуги при вработување и унапредување на административните службеници се подобрува и веќе се забележува намален процент на жалби и приговори поднесени од кандидатите на донесените одлуки за вработување/унапредување, и тоа од 2,2 проценти во 2018 на 0,56 проценти во 2019 година.

-Ја споменав транспарентноста на работењето на институциите, а тоа се потврдува и со овој Извештај. Додека процентот на одбиени барања за пристап до информации од јавен карактер од 2018 се намали речиси двојно и во 2019 изнесува 2,5 проценти, процентот на институции кои објавуваат отворени податоци порасна за 6 проценту од 2018 до 2019 година, рече Манчевски.

Како што стои во соопштението, присутните на презентацијата го поздравиле тоа што консултациите со засегнатите страни се одвиваат редовно. Воедно, тие ја поздравиле денешната презентација на Извештајот за РЈА, нотирајќи дека има напредок во реализација на мерките и активностите.

Би можело да ве интересира

Повеќе систем, помалку бирократија – најавени реформи за модерна и ефикасна администрација

Ана Ололовска

Министерот Шаќири го запозна амбасадорот Томан со плановите за дигитализација и реформата на јавната администрација

Ана Ололовска

Јетон Шаќири предлог на ДУИ за министер на МИОА

Ана Ололовска

Објавена листата на обуки за ИТ-вештини и нивни даватели, може да аплицираат млади до 29 години

Ана Ололовска

Филиповска: Зрачењето од 5Г не е опасно, со новите технологии поефикасно се искористува мрежата

Ана Ололовска

Манчевски: Дополнителни 250 електронски услуги и дигитализацијата на клучните регистри

Ана Ололовска