Членот на Централниот комитет на ВМРО-ДПМНЕ, Валентин Манасиевски, на денешната прес-конференција упати остри критики кон претседателот на СДСМ, Венко Филипче, обвинувајќи го дека е подготвен да направи отстапки по националните прашања за да дојде на власт.
„Не постои барање од Бугарија кое уценетиот Филипче нема да го исполни за да дојде на власт“, рече Манасиевски.
Тој обвини дека Филипче не реагира на, како што посочи, квалификациите од бугарските власти кон македонскиот народ и оцени дека неговите ставови се спротивни на националните интереси.