За претстојните новогодишни и божикни празници, Малешевијата ќе биде преполна со гости.
Според хотелиерите, како и сопствениците на викенд куќи, деновиве се бара место повеќе за престој во Малешевијата за претстојните новогодишни и божикни празници. Најбројни ќе бидат гостите од Бугарија и од Македонија.
Туристичките работници во Берово истакнаа дека на туристите им ја нудат малешевската традиција, но и чистиот воздух, Сонцето, а пред се здравата и чиста домашна храна. Малешевската приказна добро спакувана во алтернативен туризам ги привлекува туристите.
Годинава, Берово го посетија туристи од Холандија, Израел, Бугарија, САД, Србија. Според евиденцијата на хотелиерите, годинава се бележи пораст на гостите за околу 13 отсто. За идната година има најави дека Берово прв пат ќе го посетат и гости од Белгија.