Макрадули: Македонија бележи напредок во справувањето со климатските промени

Од:

Македонија има исклучително добар напредок и според светските критериуми спаѓа во една од 16 држави која е климатски амбициозна. Иако не сме членка на ЕУ, ние ги следиме стандардите и препораките од ЕУ и ова е исклучително добра област во која имаме напреднато благодарејќи на соработката што ја имаме со академската заедница, пред се со МАНУ, УНДП, проектната единица што се грижи за климатските промени. Можеме да бидеме горди за постигнувањата во оваа област.

Ова денеска го изјави заменик-министерот за животна средина просторно планирање Јани Макрадули пред почетокот на работилницата „Климатските промени-реалност или илузија“ што се одржува во Музејот на илузии во Скопје во соработка со Програмата за развој на Обединетите Нации (УНДП).

Тој потсети дека во моментов експертите, политичарите, невладините организации се наоѓаат во полскиот град Катовице на Светскиот форум за климатски промени.

– Останува на сите нас да се вклучиме во борбата против климатските промени, а основната порака која доаѓа од Катовице е повикот за заедничка акција на сите. Оваа работа не е на еден поединец и тоа се оди во корелација со политиките што ние во МЖСПП ги имаме за заштита на животната средина, рече Макрадули.

Одговарајќи на новинарски прашања, заменик-министерот рече дека МЖСПП ќе подари една апликација во која ќе се објават сите компании кои имаат легална А и Б дозвола за да се информираат граѓаните. Макрадули нагласи дека ги поздравува акциите на инспекторатите и на општините во Скопје.

Прашан зошто не работат мерните станици во Ново Лисиче и во Гази Баба, Макрадули рече дека мерните станици работат, а не работи само еден инструмент внатре во мерната станица. Додаде дека тоа не сметало кога се надминал прагот да ја информираат јавноста. Подобро е кога ќе се тргнат загадувачите, тогаш, како што рече, нема да ни требаат мерните станици.

Би можело да ве интересира

ИКС: Да зборуваме повеќе за животната средина во време на растечка еколошка криза

Стојковски: Несовесни граѓани во моментот се главните причинители за загадување на воздухот

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

СДСМ: Градоначалниците на ДПМНЕ не преземаат ништо против загадениот воздух во Скопје,

Катерина Ѓуровски

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов